Шеесетгодишен градежен работник од Штип се здоби со тешки телесни повреди при пад од скеле при изведување на градежни работи на објект во штипската населба „8 Ноември“.
Портпаролот на СВР-Штип, Гордана Панајотова го потврдува случајот и вели дека се случил околу 11:00 часот, а повеќе детали за несреќниот случај ќе имаат откако ќе заврши истрагата.
Екипа на Итната медицинска помош веднаш му пружила медицинска помош и тој е хоспиталиран на Клиничката болница во Штип, но оттаму велат дека поради сериозните повреди е испратен на КАРИЛ во Скопје, каде што е примен во коматозна состојба со повреди на главата и на градниот кош.
На местото на несреќата увид извршија Основен јавен обвинител од Штип и екипа на СВР-Штип.
Visits: 61