Повреден вработен во обезбедувањето на Макошпед

Вчеравечер околу 19.40 часот Д.Т. (43) од Скопје вработен во агенција за обезбедување пријавил во полицијата дека бил повреден додека бил на работно место во кругот на „Макошпед”.

Додека Д.Т. бил на работно место во кругот на „Макошпед“, забележал четири непознати лица.

Четирите непознати лица кои биле со автомобил без регистарски броеви му биле сомнителни,  и бидејќи лицата биле на место каде не смееле да се задржуваат истиот им рекол да се оддалечат.

Откако се оддалечиле, повторно се вратиле со возилото и со истото го удриле Д.Т. по што го напуштиле местото на настанот.

Од ударот и падот Д.Т.  се здобил со телесни повреди и со возило на итна медицинска помош бил пренесен на лекарски преглед во ГОБ “8 Септември“, по што бил пуштен на домашно лекување.

Се преземаат мерки за целосно расчистување на случајот, велат од полицијата.

Извор: http://www.mkd.mk/crna-hronika/povreden-vraboten-vo-obezbeduvanjeto-na-makoshped

Posted in Несреќи при работа.