Камион се преврте на Валандовско Брдо, повреден возачот

Камион со струмички регистарски таблици утрово се преврте на Валандовско брдо при што со телесни повреди се здобил возачот.

Од СВР Струмица информираат дека сообраќајката се случила во 6 часот и 45 минути на патот од село Костурино кон Валандово во која учествувало товарно патничко возило марка „мерцедес“ со струмички регистарски таблици.

Од засега непознати причини камионот се превртел на патот, а возачот се здобил со телесни повреди и е пренесен во Градската општа болница во Струмица. Сопатникот не се пожалил на повреди и не побарал лекарска помош.

Увид на местото на несреќата вршат екипи на СВР Струмица и надлежни институции за да се утврди причината која довела до незгодата.

Извор: http://plusinfo.mk/vest/128377/kamion-se-prevrte-na-valandovsko-brdo-povreden-vozacot

Posted in Несреќи при работа.