Повредени тројца работници во Битола

Повредени се тројца работници кои работеле на покрив од објект во изградба при допир на табла од пластифициран лим со 10 киловолтен воздушен далековод на ул. „8-ми Септември“ во Битола.

Министерството за внатрешни работи денеска соопшти дека повредени биле З.П. (43), Д.Н. (23) и  Џ.У. (59), ангажирани од фирмата изведувач на работите на објектот на инвеститор од Демир Хисар.

Тие биле пренесени во Клиничката болница Битола каде им била укажана лекарска помош, по што З.П. и Д.Н. биле задржани на понатамошно лекување, а Џ.У. бил пуштен на домашно лекување.

Увидот на местото извршила екипа од СВР Битола, Јавен обвинител и трудов инспектор.

Се преземаат мерки за расчистување на случајот.

Извор: Нова Македонија

Visits: 93

Posted in Несреќи при работа.